19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Հայ-ադրբեջանական հակամարտության պատճառով Թուրքիային սպառազինության մատակարարումը դադարեցնելը հակասում է դաշնակցային հարաբերությունների ոգուն. Էրդողանը՝ Թրյուդոյին
Քաղաքականություն
17.10.2020 | 12:21
Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Կանադայի վարչապետ Ջասթին Թրյուդոյի հետ. տեղեկացնում են ադրբեջանական ԶԼՄ-ները:
Նշվում է, որ երկու առաջնորդները քննարկել են արցախա-ադրբեջանական շփման գծում պատերազմական իրավիճակը:
Էրդողանը նշել է, որ «Հայ-ադրբեջանական հակամարտության պատճառով Կանադայի կողմից Թուրքիային սպառազինության որոշ տեսակների մատակարարումը դադարեցնելու որոշումը հակասում է դաշնակցային հարաբերությունների ոգուն»: Նշվում է նաև, որ վարչապետ Թրյուդոյի հետ զրույցի ընթացքում Թուրքիայի նախագահը ղարաբաղյան հակամարտության հարցում ադրբեջանական տեսակետներն է հնչեցրել:
Անցած շաբաթ Կանադան սառեցրել էր այն ռազմական սարքավորումների մատակարարումը Թուրքիային, որոնք, ըստ հաղորդումների, օգտագործվել են Լեռնային Ղարաբաղի դեմ:
