08.11.2024 | 12:34
Երևանի 40–ամյա բնակիչը կալանավորվել է՝ մեծաքանակ թմրամիջոցների ապօրինի շրջանառության մեղադրանքով․ ՔԿ
Վլադիմիր Պուտինը ՌԴ ԱԽ մշտական անդամների հետ քննարկել է Լեռնային Ղարաբաղի հակամարտության հարցը
Քաղաքականություն
16.10.2020 | 16:37
Ռուսաստանի նախագահ Վլադիմիր Պուտինը երկրի Անվտանգության խորհրդի մշտական անդամների հետ քննարկել է Լեռնային Ղարաբաղի հակամարտության հարցը։ Այս մասին հայտնել է ՌԴ մամուլի խոսնակ Դմիտրի Պեսկովը, գրում է ՌԻԱ Նովոստին։
Նշվում է, որ քննարկվել են նաև Ռուսաստանի ու ԱՄՆ-ի միջև «Ռազմավարական հարձակողական սպառազինությունների հետագա կրճատման և սահմանափակման միջոցառումների մասին» պայմանագրի շուրջ երկխոսությանն առնչվող հարցեր։
«Խորհրդակցության ժամանակ քննարկվել է «Ռազմավարական հարձակողական սպառազինությունների հետագա կրճատման և սահմանափակման միջոցառումների մասին» պայմանագրի շուրջ ռուս-ամերիկյան երկխոսության թեման։ Համապատասխան տեղեկությունը ներկայացվել է ԱԳ նախարար Սերգեյ Լավրովի կողմից»,- ասել է Պեսկովը։
Նրա խոսքով՝ խորհրդակցության մասնակիցները նաև մտքեր են փոխանակել Լեռնային Ղարաբաղի հակամարտության ընթացիկ դրության շուրջ։
Տաթև Ֆռանգյան
