01.07.2026 | 02:54
ԱԱ-2026. Ֆրանսիան խնդիրներ չունեցավ, Մբապեի դուբլը. ՏԵՍԱՆՅՈՒԹ
ՄԱԿ-ի հայաստանյան գրասենյակը հանցավոր անտարբերություն է դրսևորում. Անահիտ Բախշյան. ՏԵՍԱՆՅՈՒԹ
Քաղաքականություն
16.10.2020 | 14:35
ՄԱԿ-ի հայաստանյան գրասենյակը հանցավոր անտարբերություն է դրսևորում։ Այսօր ՄԱԿ-ի գրասենյակի դիմաց կազմակերպված բողոքի ակցիայի ժամանակ նման մտահոգություն հայտնեց նախկին պատգամավոր, Երևանի ավագանու նախկին անդամ Անահիտ Բախշյանը։
Ակցիայի մասնակիցները պահանջում էին անտարբեր չլինել ու կոնկրետ քայլեր ձեռնարկել Ադրբեջանի կողմից Արցախում սանձազերծված ագրեսիայի դեմ:
«Ես այստեղ եմ, որովհետև խրամատ չեմ կարող գնալ և ուզում եմ լինել այնտեղ, որտեղ ինչ-որ բանով կարող եմ օգնել իմ պետությանը: ՄԱԿ-ի հայաստանյան գրասենյակը հանցավոր անտարբերություն է ցուցաբերում մեր երկրի նկատմամբ: Մեր հասարակությունն այստեղ իր ձայնը բարձրացրեց և ասաց, որ Հայաստանը 1992թ. ՄԱԿ-ի անդամ է, անդամավճար է տալիս, ու այսօր ՄԱԿ-ը չպետք է անտարբեր նայի, թե ինչ է կատարվում Արցախում և Հայաստանում: Ես այլևս չեմ հավատալու, որ ՄԱԿ-ը պայքարում է տեռորիզմի դեմ: Էլ ի՞նչ փաստեր են պետք՝ ապացուցելու, որ այս պահին Հայաստանը և Արցախը տեռորիստական Թուրքիայի, Ադրբեջանի և իսլամական ահաբեկիչների կողմից հարձակման են ենթարկվել։ Հույս ունեմ, որ ՄԱԿ-ի բարձր ամբիոնում այս հարցը կբարձրացնեն»,- ասաց նա:
Մանրամասները՝ տեսանյութում:
