05.11.2026 | 12:39
ԵՄ ընդլայնումը հրատապ է․ չենք կարող երկար սպասեցնել թեկնածու երկրներին․ Կալաս
Թուրքիան ընդհանուր հայտարարն է ագրեսիայի, ապակայունացման․ Հունաստանի ԱԳ նախարար. ՏԵՍԱՆՅՈՒԹ
Քաղաքականություն
16.10.2020 | 14:32
Այն, ինչ անում է Հունաստանը, երկրների մեջ ընդհանուր ըմբռնման համայնք ստեղծելն է: Այս մասին Երևանում ՀՀ ԱԳ նախարար Զոհրաբ Մնացականյանի հետ համատեղ ասուլիսում ասաց Հունաստանի ԱԳ նախարար Նիկոս Դենդիասը՝ անդրադառնալով հարցին, թե արդյո՞ք դիտարկվում է Հայաստանի ներգրավվածության հարցը հակաթուրքական կոալիցիայում:
«Մենք չենք համարում այս փոխըմբռնումը, որին մասնակից են շատ այլ երկրներ, կոալիցիա ինչ-որ մեկի դեմ, մենք այն համարում ենք խաղաղություն սիրող ու խաղաղություն պահող ազգերի մի հանրություն, որոնք տարածաշրջանում կայունության հենասյուն են: Թուրքիայի մասով կուզեի ասել, որ մենք ուրախ կլինեինք, եթե Թուրքիան կիսեր այդ նույն արժեքները մեզ հետ: Հույս ունենք, որ վաղ թե ուշ Թուրքիան կդառնա այդ համայնքի անդամը: Բայց, անկեղծ ասեմ, մենք ուրախ չենք տեսնելու, որ Թուրքիան հիմա այդ փաստերի հակառակ կողմում է գտնվում, Թուրքիան ընդհանուր հայտարարն է ագրեսիայի, ապակայունացման: Սա մի բան է, որը մենք պետք է ընդունենք»,- նշեց Հունաստանի արտգործնախարարը:
Մանրամասները՝ տեսանյութում։
