01.07.2026 | 02:54
ԱԱ-2026. Ֆրանսիան խնդիրներ չունեցավ, Մբապեի դուբլը. ՏԵՍԱՆՅՈՒԹ
Թուրքիայի և ահաբեկիչների գործոնը Բաքվում ստեղծել են հաշվարկ, որ կարող են չլսել միջազգային հանրության մոտեցումը․ Մնացականյան. ՏԵՍԱՆՅՈՒԹ
Քաղաքականություն
16.10.2020 | 14:13
Հայաստանը եղել ու մնում է Արցախի ժողովրդի անվտանգության միակ երաշխավորը։ Այս մասին ՀՀ ԱԳ նախարար Զոհրաբ Մնացականյանը հայտարարել է Հունաստանի իր պաշտոնակցի հետ ասուլիսի ժամանակ՝ անդրադառնալով Արցախյան պատերազմի շուրջ միջազգային արձագանքին:
Մնացականյանի խոսքով՝ երկու նոր հանգամանք է ի հայտ եկել՝ Թուրքիայի գործոնն ու միջազգային ահաբեկիչները:
«Թուրքիայի և ահաբեկիչների գործոնը Բաքվում ստեղծել են հաշվարկ, որ կարող են չլսել միջազգային հանրության մոտեցումը: Դա, բնականաբար, վտանգավոր է և, վստահաբար, ունի իր հետևանքները: Մեզ համար հարցը եղել և մնում է առավել քան պարզ: Խոսքը վերաբերում է մեր հայրենակիցների գոյութենական անվտանգությանը, և որ նրանց ինքնորոշման իրավունքի ճանաչումն առաջնային գերակա խնդիր է, այսօր արտահայտվում է նաև փաստով, որ այս ամենից բացի՝ այն պաշտպանության միջոց է: Այդ առումով մենք շարունակելու ենք համագործակցել մեր միջազգային գործընկերների հետ, շարունակելու ենք հավատարիմ մնալ հոկտեմբերի 10-ին ձեռք բերված համաձայնությանը: Մենք շարունակում ենք պնդել, որ այս խնդիրը ուժի միջոցով հանգուցալուծում չի ունենալու և մեր խիզախները Արցախում ի ցույց են դնում վճռականությունը՝ պաշտպանելու հողը, հայրենիքը, կյանքը, ընտանիքը և բացառում են, որ թշնամին երբևէ ունենալու է խնդրի ռազմական լուծում»,- նշեց Մնացականյանը:
Մանրամասները՝ տեսանյութում:
