15.07.2026 | 22:23
Հայտնի է՝ հուլիսի 16-ին որ հասցեներում էլեկտրամատակարարումը կդադարեցվի
Մայք Պոմպեոն հույս է հայտնել, որ հայերը կկարողանան դիմակայել այն ամենին, ինչն այսօր անում է Ադրբեջանը
Քաղաքականություն
15.10.2020 | 22:14
ԱՄՆ պետքարտուղար Մայք Պոմպեոն հույս է հայտնել, որ հայերը կկարողանան դիմակայել այն ամենին, ինչն այսօր անում է Ադրբեջանը։ Այս մասին նա ասել է The Erick Erickson Show on WSB Atlanta հարցազրույցի ժամանակ։
«Այն ամենն, ինչ այսօր կատարվում է՝ վտանգավոր է։ Հիմա ներգրավվել է Թուրքիան, որը ռեսուրսներ է տրամադրել Ադրբեջանին`մեծացնելով ռիսկը, մեծացնելով կրակային հզորությունը, որն առկա է այս պատմական հակամարտությունում։ Լեռնային Ղարաբաղը փոքր տարածք է 150.000 բնակչությամբ»,- ասել է Պոմպեոն։
Նա նշել է, որ ԼՂ հակամարտությունը հին կոնֆլիկտ է, որը պիտի լուծվի բանակցությունների ճանապարհով։
«Այս հակամարտության կարգավորումը պետք է իրականացվի բանակցությունների ու խաղաղ քննարկումների միջոցով, այլ ոչ թե ռազմական բախման, և, իհարկե, ոչ երրորդ երկրների միջամտությամբ, որոնք պատրաստ են կրակի վրա յուղ լցնել: Մենք հուսով ենք, որ հայերը կկարողանան պաշտպանվել ադրբեջանցիների գործողություններից, և նրանք բոլորը կհասնեն իրական հրադադարի, որից հետո կնստեն բանակցությունների սեղանի շուրջ և կփորձեն հասկանալ այդ պատմական և բարդ խնդիրը»,- ասել է Պոմպեոն։
