21.05.2026 | 12:46
Մեկ կրակոց էլ «Հաղթանակ» զբոսայգու թնդանոթից կարձակվի․ ՀՀ ՊՆ
Չինաստանի ղեկավարը պատերազմի պատրաստ լինելու կոչ է արել
Քաղաքականություն
15.10.2020 | 15:15
Չինաստանի ղեկավար Սի Ցզինպինը Գուանդուն նահանգում տեղակայված ռազմաբազա այցի ընթացքում հայտարարել է, որ զինվորները պետք է «իրենց ջանքերն ուղղեն պատերազմին պատրաստ լինելուն»։
Չորեքշաբթի Շենչժեն նահանգում տոնական միջոցառումներ են անցկացվել՝ այդ տնտեսական գոտու հիմնադրման 40-ամյակի կապակցությամբ։ Տոնակատարությունը հեռարձակվել է Չինաստանի կենտրոնական հեռուստատեսությամբ, գրում է ՌԻԱ Նովոստին։
Չինաստանի բանակի ծովային հետևակայինների կորպուսի ստուգումներն անցկացնելիս Սի Ցզինպինը հիշեցրել է, որ զինծառայողները պետք է լինեն բացարձակ անձնուրաց, հուսալի ու անթերի։
«Դուք պետք է կենտրոնացնեք ձեր բոլոր մտքերն ու ուժերը՝ պատերազմին նախապատրաստվելու համար ու լինեք բարձր մարտական պատրաստվածության վիճակում»,- հայտարարել է ՉԺՀ ղեկավարը։
Նա նաև ծովային հետևակայինների կորպուսն անվանել է չինական բանակի էլիտար ստորաբաժանում, որը կոչված է պաշտպանել երկրի ինքնիշխանությունը, անվտանգությունը, տարածքային ամբողջականությունն ու շահերը։
Տաթև Ֆռանգյան
