08.12.2025 | 10:53
Հրդեհ Թումանյան փողոցում․ դեպքի վայր է մեկնել երեք մարտական հաշվարկ
ՀՀ ՄԻՊ աշխատանքը՝ որպես միջազգային առաջատար փորձի օրինակ
Հասարակություն
18.12.2017 | 19:59
Հայաստանի մարդու իրավունքների պաշտպան Արման Թաթոյանը դեկտեմբերի 14-16-ը Թունիսում միջազգային բարձրաստիճան համաժողովի շրջանակներում ներկայացրել է Եվրախորհրդի կողմից լավագույններից ճանաչված Պաշտպանի աշխատանքի նոր սկզբունքները: Այս մասին տեղեկացնում է ՄԻՊ աշխատակազմի hանրային կապերի բաժինը:
Արման Թաթոյանը հատկապես անդրադարձել է կանխարգելման ազգային մեխանիզմի շրջանակներում իրականացվող աշխատանքներին։ Քննարկվել են քրեակատարողական հիմնարկներ և ազատությունից զրկման վայրեր այցերի պլանավորման, դրանց իրականացման մեթոդները, կալանավորների ու դատապարտյալների հետ առանձնազրույցների վարման կարգը և այլն:
Եվրոպայի խորհրդի կողմից արաբախոս երկրների համար կազմակերպված համաժողովին ներկայացվել է Սլովենիայի, Սերբիայի, Դանիայի, Մեծ Բրիտանիայի, Խորվաթիայի ու Ֆրանսիայի փորձը։
Հայաստանի մարդու իրավունքների պաշտպանի աշխատանքի սկզբունքներն ու մեթոդները գնահատվել են բարձր: Ձեռք են բերվել պայմանավորվածություններ համաժողովի մասնակից այլ երկրների կողմից այն ուսումնասիրելու և տեղայնացնելու ուղղությամբ։
Թունիսի Հանրապետությունում կատարած այցի ժամանակ Արման Թաթոյանին միջազգային համաժողովի մասնակից մի քանի ներկայացուցիչների հետ ընդունել է երկրի նախագահ Բեջի Կաիդ Էլ Սեբսին։ Վերջինս կարևորել է խոշտանգումների դեմ պայքարի ոլորտում փորձառու կառույցների հետ համատեղ աշխատանքը։
