12.10.2026 | 15:36
Ադրբեջանի դպրոցներում զանգվածային բողոքի ցույցեր են անցկացվել․ հաղորդվում է սոցցանցերի խափանումների մասին․ ՏԵՍԱՆՅՈՒԹ
Հայ դիպուկահարներից սարսափած ահաբեկիչը կիսվել է իր տպավորություններով․ «Նրանք կարծես ֆիլմերից լինեն»
Քաղաքականություն
15.10.2020 | 11:11
Հայ դիպուկահարների մասին սկսել են լեգենդներ պտտվել։ Թուրքիայի կողմից Լեռնային Ղարաբաղի հակամարտության գոտի տեղափոխված վարձկան ահաբեկիչները պատմել են, թե հայ դիպուկահարները նման են ֆիլմերում ներկայացվող դիպուկահարներին։
Հանրահայտ լրագրող Լինդսի Սնելը, որը բազմիցս է անդրադարձել Սիրիայից Ադրբեջան ահաբեկիչների տեղափոխման խնդրին, Twitter-ի իր էջում կիսվել է Ադրբեջանից վերջերս վերադարձած զինյալներից մեկի հետ զրույցով, որը կիսվել է իր տպավորություններով։
«Ես ու եղբայրս կռվել ենք Սիրիայի ողջ պատերազմի ընթացքում, բայց նման բան չենք տեսել: Մարտերից մեկի ժամանակ 45 հոգով փոքր բլրի վրա էինք: Մեկ դիպուկահարը սպանեց 8 զինյալի «Սուլթան Մուրադ» խմբավորումից և 2-ին՝ «Համզայից»: Նրանց դիպուկարներն այնպիսին են, ինչպիսին ֆիլմերում ենք տեսել»,- վարձկանի խոսքերն է փոխանցել Լինդսի Սնելը։
Տաթև Ֆռանգյան
