12.01.2025 | 00:54
Կիևյան փողոցի տներից մեկում հրդեհ է բռնկվել. դեպքի վայր է մեկնել չորս մարտական հաշվարկ
Պուտինը և Էրդողանը հեռախոսազրույց են ունեցել Ղարաբաղի հարցով
Քաղաքականություն
14.10.2020 | 21:05
Թուրքական կողմի նախաձեռնությամբ Վլադիմիր Պուտինը հեռախոսազրույց է ունեցել Թուրքիայի Հանրապետության նախագահ Ռեջեփ Թայիփ Էրդողանի հետ, որի ընթացքում մանրամասն քննարկվել է իրավիճակը Լեռնային Ղարաբաղի հակամարտության գոտում. տեղեկանում ենք Կրեմլի պաշտոնական կայքից:
Երկու կողմերը վերահաստատել են հումանիտար հրադադարը պահպանելու կարևորությունը, որի շուրջ համաձայնություն ձեռք բերվել էր հոկտեմբերի 10-ին Մոսկվայում: Վլադիմիր Պուտինը և Ռեջեփ Թայիփ Էրդողանը կողմ են արտահայտվել քաղաքական գործընթացների ակտիվացմանը, մասնավորապես, ելնելով ԵԱՀԿ Մինսկի խմբի կողմից տարվող աշխատանքներից:
Ռուսաստանի նախագահը լուրջ անհանգստություն է հայտնել Մերձավոր Արևելքի տարածաշրջանից ռազմական գործողություններին զինյալների մասնակցության կապակցությամբ: Ընդգծվել է համերաշխության ջանքերի անհապաղ անհրաժեշտությունը` արյունահեղությունը շուտափույթ դադարեցնելու և Լեռնային Ղարաբաղի հիմնախնդրի խաղաղ կարգավորմանն անցնելու նպատակով: Վլադիմիր Պուտինը հույս է հայտնել, որ Թուրքիան, որպես ԵԱՀԿ Մինսկի խմբի անդամ, կառուցողական ներդրում կունենա հակամարտության դեէսկալացիայի գործում:
