02.08.2026 | 21:08
Շոգ եղանակին՝ առավել զգոնություն. ՍԱՏՄ-ի կոչը հանրային սննդի ոլորտի ներկայացուցիչներին և միջոցառումների կազմակերպիչներին
Ադրբեջանում այրում են թուրք գրող Էլիֆ Շաֆաքի գրքերը, գրախանութները հրաժարվում են նրա գրքերի վաճառքից
Մշակույթ
14.10.2020 | 16:07
Ադրբեջանում ակտիվ արշավ է սկսվել թուրքական արմատներով բրիտանացի գրող Էլիֆ Շաֆաքի դեմ։ Հայտնի գրողը Twitter-ի իր էջում կիսվել էր Շուշիի Սուրբ Ամենափրկիչ Ղազանչեցոց տաճարի ավերակներում բելգիահայ թավջութակահար Սևակ Ավանեսյանի՝ Կոմիտասի «Կռունկի» կատարման տեսանյութով ու խաղաղության կոչ արել։
Այս ամենից հետո ադրբեջանցիները սկսել են «գրոհել» Էլիֆ Շաֆաքի էջը՝ նրա հասցեին տարբեր մեղադրանքներ հնչեցնելով։ Շատերը նույնիսկ այրել են Շաֆաքի գրքերը և լուսանկարները տեղադրել համացանցում։
Բացի այդ, Ադրբեջանի խոշոր գրախանութների ցանցերից մեկը՝ LIBRAFF-ը, հայտարարել է, որ հրաժարվում է Շաֆաքի գրքերը վաճառելուց։
«Գրքերի վաճառքը մեր խանութներում կդադարեցվի այնքան ժամանակ, մինչև գրողը ներողություն չխնդրի ադրբեջանցի ժողովրդից այն բանի համար, որ իր թվիթերյան էջում «արվեստ» անվան տակ արդարացնում է «հայկական օկուպացիան»»,- ասվում է գրախանութի ֆեյսբուքյան հայտարարության մեջ։
Էմմա Չոբանյան
