25.09.2026 | 23:40
Եղիշե Մելիքյանը՝ Լատվիայի հավաքականի նկատմամբ հաղթանակի մասին. ՏԵՍԱՆՅՈՒԹ
«Ավերակների մեջ արվեստ». թուրք գրողը Շուշիի ավիրված եկեղեցում թավջութակահարի կատարմանն է անդրադարձել
Մշակույթ
14.10.2020 | 14:14
«Խաղաղությանը հավատացող և խաղաղությունը պաշտպանելուց չհրաժարվողների համար եմ կիսվել։ Ավերակների մեջ արվեստ…». Twitter–ի իր էջում այսպիսի գրառում է արել թուրք հայտնի գրող Էլիֆ Շաֆաքը՝ կիսվելով Շուշիի Սուրբ Ամենափրկիչ եկեղեցում թավջութակի կատարման տեսանյութով։
Շաֆաքը նաև շնորհակալություն է հայտնել Կարո Փալյանին տեսանյութը տեղադրելու համար։
Հիշեցնենք, որ Էլիֆ Շաֆաքը հեղինակել է «Ստամբուլի բիճը» վեպը, որում հիշատակվում է նաև հայերի ցեղասպանությունը: Հենց «ցեղասպանություն» բառի համար Էլիֆ Շաֆաքը երկու անգամ մեղադրվել է Թուրքիայի Քրեական օրենսգրքի 301 հոդվածով` թուրքական ինքնությունը վիրավորելու համար, սակայն դատարանը նրան արդարացրել է ապացույցների անբավարարության պատճառով:
Ի դեպ, գիրքը Թուրքիայում բեսթսելլեր է եղել իսկ Շաֆաքը ոչ միայն Իտալիայում, Ֆրանսիայում և Բուլղարիայում, այլ նաև Թուրքիայում ամենաընթերցվող կին գրողներից է:
Իսկ հայտնի տեսանյութում, որով կիսվել է թուրք գրողը, բելգիահայ թավջութակահար Սևակ Ավանեսյանն է, նա նվագում է Կոմիտասի «Կռունկը»։
