19.01.2026 | 23:38
Ռուբիոն բարձր է գնահատել Ադրբեջանի կառավարության կողմից Հայաստան վառելիքի մատակարարումները
Լեզվակռիվ Թուրքիայի և Շվեդիայի ԱԳ նախարարների միջև․ Չավուշօղլուն չի կարողացել թաքցնել կատաղությունը
Քաղաքականություն
14.10.2020 | 12:04
Թուրքիայի և Շվեդիայի արտգործնախարարների մամուլի ասուլիսի ժամանակ պաշտոնյաները բանավեճի են բռնվել, որը վերաճել է լեզվակռիվի, գրում է ՌԻԱ Նովոստին։
Թուրքիայի ԱԳՆ ղեկավար Մևլութ Չավուշօղլուն քննադատել է Շվեդիայի իշխանությունների դիրքորոշումը Մերձավոր Արևելքում խնդիրների վերաբերյալ։ Անկարայի դժգոհությունն է հարուցել այն, որ Ստոքհոլմը, իբր, աջակցում է Սիրիայի հյուսիսում քուրդ աշխարհազորայիններին, ինչպես նաև կոչ է անում Թուրքիային իր զորքերը դուրս բերել Սիրիայի Արաբական Հանրապետությունից։
Թուրք նախարարի վրդովմունքն է հարուցել այն, որ Ստոքհոլմը չի քննադատում Հունաստանի իշխանություններին, որոնք, իբր, դաժան են վարվել փախստականների հետ։
«Կցանկանայի հարցնել, թե ինչի՞ց ելնելով Թուրքիան պետք է հեռանա Սիրիայից կամ նախազգուշացնո՞ւմ եք Թուրքիային։ Եթե այդչափ բծախնդրորեն եք մոտենում մարդու իրավունքների հարցերին, ինչո՞ւ գոնե մեկ անգամ չեք քննադատում Հունաստանին»,- ասել է Չավուշօղլուն։
Ի պատասխան՝ Շվեդիայի ԱԳՆ ղեկավար Անն Լինդեն հիշեցրել է իր թուրք գործընկերոջը, որ նա իր հյուրն է ու հավելել է, որ չէր ցանկանա բանավիճել։
«Պարզապես հուսով եմ, որ Թուրքիայում բոլորն ունեն հնարավորություն այսպես անկեղծորեն արտահայտվելու, ինչպես Դուք»,- եզրափակել է շվեդ քաղաքական գործիչը։
Տաթև Ֆռանգյան
