Քաղաքականություն
14.10.2020 | 11:13
ՌԴ պաշտպանության նախարար Սերգեյ Շոյգուն կոչ է արել Հայաստանի ու Ադրբեջանի պաշտպանության նախարարներ Դավիթ Տոնոյանին ու Զաքիր Հասանովին՝ ամբողջ ծավալով իրականացնել Լեռնային Ղարաբաղի շուրջ Մոսկվայում ձեռք բերված համաձայնությունները։ Այս մասին հայտնել են ՌԴ ռազմական գերատեսչությունից, գրում է ՏԱՍՍ-ը։
Աղբյուրի փոխանցմամբ՝ Շոյգուն հեռախոսազրույց է ունեցել երկու երկրների պաշտպանական գերատեսչությունների ղեկավարների հետ։
«Բանակցությունների ընթացքում ՌԴ պաշտպանության նախարար Սերգեյ Շոյգուն կոչ է արել իր գործընկերներին՝ ամբողջ ծավալով իրականացնել Լեռնային Ղարաբաղի շուրջ հոկտեմբերի 10-ին Մոսկվայում ձեռք բերված համաձայնությունները»,- ասվում է հայտարարության մեջ։
Տաթև Ֆռանգյան
