28.12.2025 | 21:58
Զապորոժիեի ԱԷԿ-ում ժամանակավոր հրադադար է հաստատվել՝ էլեկտրահաղորդման գծերի վերանորոգման համար
Թուրք գործիչը գյուլենականներին մեղադրում է հայկական սփյուռքի հետ համագործակցելու մեջ
Քաղաքականություն
18.12.2017 | 15:53
Վաշինգտոնում գործող «Թուրքական ժառանգություն» կազմակերպության նախագահ Ալի Չընարը հայտարարել է, որ իսլամի հայտնի քարոզիչ, ամերիկաբնակ թուրք միլիարդատեր Ֆեթուլլահ Գյուլենի հիմնած կառույցը համագործակցում է հայկական սփյուռքի հետ:
Թուրքիայում ահաբեկչական համարվող կառույցի` ԱՄՆ-ում ծավալած գործունեության մասին նա զրուցել է թուրքական «Anadolu» լրատվական գործակալության թղթակցի հետ: Ըստ Չընարի՝ FETÖ-ն ԱՄՆ-ի օրենսդիր մարմիններում սատարում է այն բոլոր օրինագծերը, որոնք ուղղված են Թուրքիայի դեմ:
Չընարը նշել է, որ գյուլենականներն անգամ Հայոց ցեղասպանության հարցում են սերտորեն աշխատում հայկական սփյուռքի հետ՝ այդ կերպ դավաճանություն գործելով:
Ըստ նրա՝ FETÖ-ին աջակցող կոնգրեսականների շնորհիվ է, որ Հայոց ցեղասպանության բանաձևին կողմնակից կոնգրեսականների թիվը 35-40-ից հասել է 106-ի:
