28.06.2026 | 05:30
ԱԱ-2026. Պորտուգալիան չհաղթեց Կոլումբիային ու փլեյ-օֆֆ դուրս եկավ երկրորդ տեղով. ՏԵՍԱՆՅՈՒԹ
Բունդեսթագում ողջունել են ընդդեմ Մոսկվայի ու Լուկաշենկոյի պատժամիջոցների կիրառումը
Քաղաքականություն
13.10.2020 | 15:15
Գերմանիայի Բունդեսթագում պահպանողականների ու լիբերալների ներկայացուցիչները կարծում են, որ վտանգված է միջազգային իրավական համակարգի ու ԵՄ հեղինակության հանդեպ վստահությունը, գրում է DW-ի ռուսական ծառայությունը։
Քիմական թույնի օգտագործմամբ Ալեքսեյ Նավալնիի հանդեպ մահափորձն ու Ռուսաստանի կողմից միջադեպի հետաքննությունը համառորեն չիրականացնելը կոպտորեն խախտում են Քիմիական զենքի արգելման մասին կոնվենցիան ու դրա հետ կապված միջազգային իրավունքի նորմերը։ Այս մասին հայտարարել է ՔԴՄ/ՔՍՄ դաշինքի արտաքին քաղաքականության փորձագետ Յուրգեն Հարդթը՝ մեկնաբանելով ԵՄ կողմից նոր պատժամիջոցներ կիրառելու մասին որոշումը։
Հարդթի խոսքով՝ վտանգված է միջազգային իրավունքի հանդեպ վստահությունը. «ԵՄ-ն պետք է Մոսկվային հզոր ադանշան տա, որ միջազգային հանրությունը չի հանդուրժի քիմիական զենքի կիրառումն ու դրանով պայմանավորված տարածման վտանգը»։
Հարդթը նաև կողմ է արտահայտվել «արդեն վաղուց հասունացած» ԵՄ պատժամիջոցներին՝ ընդդեմ Ալեքսեյ Լուկաշենկոյի։
«Լուկաշենկոն պետք է խոստովանի իրականությունը և, վերջապես, ճանապարհ բացի ոչ բռնի, ժողովրդավար անցման համար։ Մենք կոչ ենք անում անմիջապես նոր ընտրություններ անցկացնել»,- ընդգծել է գերմանացի խորհրդականը։
