28.11.2024 | 09:30
Սարավան-«Զանգեր» և Հնաբերդ-Գեղաձոր ավտոճանապարհներին բուք է
Իսրայելը մերժել է Ադրբեջանին զենք վաճառելու արգելքի միջնորդությունը
Քաղաքականություն
13.10.2020 | 14:20
Իսրայելի Գերագույն դատարանը մերժել է Ադրբեջանին զենք վաճառելու արգելքի միջնորդությունը: Դատարանի որոշման մեջ նշվել է, որ Հայաստանի դեմ պատերազմական հանցագործությունների ժամանակ դրանց կիրառման վկայությունների պակաս կա՝ դատական լսումներ սկսելու համար, գրում է Jerusalem Post-ը:
Պարբերականը նշում է, որ Բաքվին զենքի վաճառքն արգելելու մասին հայցը ներկայացրել է իսրայելցի ակտիվիստ Էլի Ջոզեֆը, որն այդ կապակցությամբ նույնիսկ հացադուլ է հայտարարել։
Ակտիվիստը փաստեր է ներկայացրել այն մասին, որ Ադրբեջանի սպառազինության 60 տոկոսը տարվում է Իսրայելից: Բացի այդ, վկայություններ են ներկայացվել, որ Հայաստանի դեմ ներկա հակամարտության վերսկսումից օրեր առաջ օդային ճանապարհով Իսրայելից Ադրբեջան զենք է տեղափոխվել:
Իսրայելցի ակտիվիստը ներկայացրել է նաև Amnesty International-ի զեկույցն ու վկայությունները՝ հայերին սպանելու նպատակով իսրայելական ԱԹՍ-ների օգտագործման մասին։
Նախագահող դատավոր Յոսեֆ Էլրոնը հայտարարել է, որ Էլի Ջոզեֆի ներկայացրած փաստարկները չեն ապացուցում, որ իսրայելական զենքը ռազմական գործողությունների ընթացքում օգտագործվում է հայերի դեմ։ Նրա խոսքով՝ դրանք մատնանշում են միայն այն, որ Իսրայելը զենք է վաճառել Ադրբեջանին, սակայն «այդ զենքը, գուցե, պահվում է պահեստում կամ պահուստում՝ միայն պաշտպանական նպատակներով»:
