20.05.2026 | 16:01
Պոդոլյակը հայտնել է՝ երբ կարող են Ուկրաինայում նախագահական ընտրություններ անցկացվել
ԱՊՀ երկրների ղեկավարների՝ հոկտեմբերի 16-ի խորհրդի նիստը հետաձգվել է
Քաղաքականություն
12.10.2020 | 19:44
ԱՊՀ երկրների ղեկավարների՝ հոկտեմբերի 16-ին նախատեսված խորհրդի նիստը, որը պետք է տեղի ունենար տեսակոնֆերանսի ձևաչափով, հետաձգվել է։ Առայժմ որոշված չէ, թե երբ այն տեղի կունենա։ Այս մասին ՏԱՍՍ-ին հայտնել են ԱՊՀ գործադիր կոմիտեից:
«ԱՊՀ երկրների արտգործնախարարների խորհրդի նիստը, որը պետք է տեղի ունենար հոկտեմբերի 15-ին, ինչպես նաև հոկտեմբերի 16-ին նախատեսված ԱՊՀ ղեկավարների խորհրդի նիստը հետաձգվել է՝ հաշվի առնելով աշխարհում համավարակի հետ կապված իրավիճակի բարդությունները»,- հայտնել են գործադիր կոմիտեից:
Ի սկզբանե ԱՊՀ երկրների ղեկավարների գագաթնաժողովը ծրագրվում էր անցկացնել Տաշքենդում։ Այս տարի ԱՊՀ-ում նախագահում է Ուզբեկստանը։
