Քաղաքականություն
12.10.2020 | 17:03Վարչապետ Նիկոլ Փաշինյանն այսօր Կառավարությունում փակ հանդիպում է ունեցել «Քաղաքացիական պայմանագիր» կուսակցության վարչության անդամների հետ։
«Վարչապետն Արցախի հարցով մոտ ժամանակներս կդիմի հանրությանը, ինֆորմացիա կտրամադրի ստեղծված իրավիճակի վերաբերյալ»,- հանդիպման ավարտին լրագրողների հետ ճեպազրույցում ասաց ԱԺ փոխնախագահ Ալեն Սիմոնյանը։
Նա նաև նշեց, որ այս օրերին, ռազմական դրության պայմաններում, կեղծ տեղեկատվությունը շատ է դաշտում․ «Բնական է, հետևում ենք այդ ամենին, որպեսզի թույլ չտանք, բայց հանրությունը պետք է իմանա, որ հիմար ստեր տարածողները պատժվելու են»։
Սիմոնյանը մեկ անգամ ևս կոչ արեց չհավատալ տարբեր գրառումների և վստահեցրեց, որ իշխանությունն անկեղծ խոսելու է հանրության հետ։
Մանրամասները՝ տեսանյութում։
Մերի Մարտիրոսյան
