20.07.2026 | 23:24
Հայաստանը կունենա լեզվական պետական քաղաքականության նոր հիմնադրույթներ
Էդուարդ Շարմազանովը՝ Փաշինյանի հետ փակ հանդիպման մասին. ՏԵՍԱՆՅՈՒԹ
Քաղաքականություն
12.10.2020 | 14:58
Սա պատմական ու կարևոր ժամանակաշրջան է մեր երկրի համար, և չպետք է ներքաղաքական օրակարգերով առաջ գնանք։ Այս մասին այսօր ՀՀ վարչապետ Նիկոլ Փաշինյանի և արտախորհրդարանական ուժերի միջև կայացած հանդիպումից հետո լրագրողների հետ զրույցում ասաց ՀՀԿ մամուլի խոսնակ Էդուարդ Շարմազանովը։
«Մենք ներքաղաքական օրակարգը սառեցրել ենք, նաև 13 քաղաքական ուժերով հայտարարություն ենք արել»,- հավելեց Շարմազանովը:
Հարցին՝ ո՞րն էր այս հանդիպման նպատակը, նա պատասխանեց, որ նպատակների մասին պետք է խոսել վարչապետի կամ նրա ներկայացուցիչների հետ. «Քաղաքական ուժերին հրավեր է եղել, խնդիրը ռազմական գործողություններն են եղել։ Յյուրաքանչյուր քաղաքական ուժ իր կարծիքն է արտահայտել, դրանից ավելի ինֆորմացիա չեմ կարող տալ»։
Հարցին էլ՝ արդյո՞ք Արցախի հարցում իրենց տեսակետները համընկնում են վարչապետի տեսակետների հետ, Շարմազանովը պատասխանեց. «Համընկնում են, թե չէ, պետք է հարցնեք իրենց, մենք մեր կարծիքը շատ հստակ ասել ենք՝ Արցախը չի լինելու Ադրբեջանի կազմում»։
Ինչ վերաբերում է Արցախի անկախության հարցը քննարկելուն, նա ասաց, որ չի կարող գաղտնազերծել, թե ինչ են քննարկել։
«Պետք է անել հնարավորինը, որ այդ հրադադարի ռեժիմն աշխատի։ Դա իմ անձնական կարծիքն է։ Արցախի անկախության ճանաչումը պետք է արվի այն ժամանակ, որը օգուտ կբերի Հայաստանի դիրքերի ամրապնդմանը, կլինի շարունակական այլ միջազգային ակտորների կողմից»,- հավելեց ՀՀԿ խոսնակը։
Մանրամասները՝ տեսանյութում:
