19.04.2026 | 23:45
Գետերում նկատվում է ջրի մակարդակի բարձրացում. ՆԳՆ ՓԾ-ն անցել է ուժեղացված ծառայության
Ամերիկյան Chevron նավթային հսկան վերջնականապես հեռանում է Ադրբեջանից
Քաղաքականություն
12.10.2020 | 14:26
Ամերիկյան «Chevron» ընկերությունը հայտարարել է, որ լուծարում է Ադրբեջանում իր ներկայացուցչությունը։ Այս մասին «Ինտերֆաքս»-ի ադրբեջանական ծառայությանը հայտնել են Ադրբեջանի Պետական հարկային ծառայությունից։
«Chevron Azerbaijan Limited-ի լուծարման հետ կապված պարտատերերի պահանջներն ընդունվում են երկու ամսվա ընթացքում»,- հայտնել են հարկային ծառայությունից։
Ներկայում ամերիկյան նավթային ընկերությունն Ադրբեջանում ոչ մի նախագծի մաս չի հանդիսանում։
Նշենք, որ Chevron-ը բաժնեմասեր ուներ Ազերի-Չիրագ-Գյունեշլի նավթահանքում և Բաքու-Թբիլիսի-Ջեյհան նավթամուղում։ 2019 թվականի նոյեմբերի 4-ին ամերիկյան ընկերությունը հունգարական MOL ընկերության հետ համաձայնագիր կնքեց՝ իր և Ադրբեջանի իր ակտիվները վաճառելով 1․57 մլրդ դոլարով։ Խոսքն Ազերի-Չիրագ-Գյունեշլիում 9․57 տոկոս և Բաքու-Թբիլիսի-Ջեհյանում 8․9 տոկոս բաժնեմասերի վաճառքի մասին է։ Գործարքն ավարտվել է 2020թ․ ապրիլի 16-ին։
Հավելենք, որ ամերիկյան նավթարդյունահանող մեկ այլ՝ աշխարհի խոշորագույն Exxon Mobil ընկերությունը ևս մտադիր է հեռանալ Ադրբեջանից։ Ընկերությունը 2018 թվականին արդեն փորձել է վաճառել Ազերի-Չիրագ-Գյունեշլիում ունեցած 6.8 տոկոսանոց մասնաբաժինը: Հիմա էլ, տարբեր հրապարակումների համաձայն, Exxon Mobil-ը վերսկսել է իր մասնաբաժնի վաճառքի գործընթացը։ Ակտիվների նկատմամբ հետաքրքություն են ցուցաբերում հատկապես ասիական ընկերությունները։
Էմմա Չոբանյան
