19.01.2026 | 23:38
Ռուբիոն բարձր է գնահատել Ադրբեջանի կառավարության կողմից Հայաստան վառելիքի մատակարարումները
Մեկնարկել են ՀԱՊԿ-ի «Անխախտ եղբայրություն-2020» զորավարժությունները
Քաղաքականություն
12.10.2020 | 14:14
Բելառուսում մեկնարկել են ՀԱՊԿ-ի «Անխախտ եղբայրություն-2020» խաղաղապահ ուժերի հրամանատարային զորավարժությունները։ Այս մասին հայտնել են Բելառուսի Պաշտպանության բանակի մամլո ծառայությունից, գրում է Sputnik-Բելառուսը։
Վիտեբսկի «Լոսվիդո» զորավարժարանում վարժանքները կանցկացվեն հոկտեմբերի 12-ից 16-ը։ Զորավարժություններին մասնակցում են ՀԱՊԿ անդամ երկրների զինված ուժերը՝ բացառությամբ Հայաստանի, ՀԱՊԿ Քարտուղարության ու Միասնական շտաբի օպերատիվ խմբավորումները, ոստիկանական ուժերն ու ԱԻ նախարարության ստորաբաժանումներն ու ուժերը։
«Մասնակիցների ընդհանուր թիվը կազմում է ավելի քան 700 մարդ և ավելի քան 100 միավոր ռազմական ու հատուկ նշանակության տեխնիկա, այդ թվում՝ ուղղաթիռներ ու ԱԹՍ-ներ։ Զորավարժություններին որպես դիտորդներ կմասնակցեն նաև Կարմիր խաչի ներկայացուցիչները»,- հայտնել են Բելառուսի ՊՆ-ից։
Հիշեցնենք, Հայաստանը զորավարժություններին չի մասնակցում Լեռնային Ղարաբաղում ստեղծված իրավիճակով պայմանավորված։
Տաթև Ֆռանգյան
