25.05.2026 | 13:07
Բելառուսի ընդդիմության առաջնորդ Սվետլանա Տիխանովսկայան ժամանել է Կիև
Կստեղծվի աղբամանների խիտ ցանց ու աղբ թափելու համար տուգանքը կխստացվի․ Վաչե Տերտերյան
Հասարակություն
26.05.2017 | 13:34
Վարչարարությունը պետք է ավելի գործնական դարձնել․ այս մասին լրագրողների հետ զրույցում ասել է ՀՀ տարածքային կառավարման և զարգացման նախարարի առաջին տեղակալ Վաչե Տերտերյանը:
«Աղբ թափելու համար նախատեսված տուգանքները կխստացվեն։ Եվ խախտողը պետք է պատժվի տեղում: Մեքենայից նետում են ծխախոտ, շիշ, տուփ: Դա պետք է չլինի»,- ասել է Վաչե Տերտերյանը, ով, ի դեպ, նաև «Մաքուր Հայաստան» նախաձեռնության միջգերատեսչական հանձնաժողովի նախագահն է, ու իրավիճակը ներկայացրել է նաև հակառակ տեսանկյունից, որ պետք է ստեղծել աղբամանների խիտ ցանց, որպեսզի քաղաքացին աղբը թափելու տեղ ունենա։
«Չնախատեսված վայրերում աղբ նետելու համար տուգանքների մեխանիզմն այսօր կա, բայց, դա քիչ արդյունավետ է։ Առաջիկա մեկ-երկու ամսում օրենքի բարեփոխումներ կարվեն և կգործեն արդեն տեսուչներ »,- ասել է նա։
Հիշեցնենք, որ երեկ կառավարության նիստի ընթացքում ՀՀ վարչապետ Կարեն Կարապետյանն առաջարկել էր համայնքներում աղբահանության սանիտարական տեսուչների ինստիտուտ ներդնել։
