05.11.2026 | 00:08
Ինչ է որոշել ընդդիմությունը. Նարեկ Կարապետյանը հանդիպումից հետո մանրամասներ հայտնեց. ՏԵՍԱՆՅՈՒԹ
Ադրբեջանը ընդունում է, որ կրակը դեռ չի դադարեցրել. ՏԱՍՍ
Քաղաքականություն
10.10.2020 | 16:15
Ադրբեջանի ԱԳ նախարարը մեկնաբանել է, թե ինչու Ղարաբաղում հրադադարը դեռ չի մեկնարկել։ Ըստ Ադրբեջանի արտգործնախարարի հայտարարության՝ Ղարաբաղում հրադադարը դեռ չի սկսվել դրա իրականացման պայմանների բացակայության պատճառով: Այդ մասին հայտնում է ՏԱՍՍ-ը։
Իսկ Ադրբեջանի նախագահի օգնականը հայտնել է, որ Ադրբեջանը ստիպված կլինի համարժեք պատասխան տալ, եթե հայկական կողմը շարունակի խախտել հրադադարի պայմանագրերը։
ՏԱՍՍ-ի փոխանցմամբ Ալիևի օգնականը նաև նշել է, որ Բաքուն ակնկալում է Անկարայի առավել ակտիվ մասնակցությունը ղարաբաղյան հակամարտության կարգավորմանը. այս մասին ասել է Ադրբեջանի նախագահի օգնականը:
Ավելի վաղ Արցախի Հանրապետության Պաշտպանության բանակի մամուլի ծառայությունը հայտարարություն էր տարածել՝ տեղեկացնելով, որ նախքան հումանիտար հրադադարի հաստատումը ադրբեջանական կողմը դիվերսիոն-հետախուզական ներթափանցման փորձ է ձեռնարկել Հադրութի ուղղությամբ:
«Չնայած հրադադարի հաստատումից անցել է շուրջ 3 ժամ՝ ներթափանցած խմբի շրջափակման և ոչնչացման գործողությունները շարունակվում են: Ռազմաճակատի մյուս հատվածներում համեմատաբար հանգիստ է: Ադրբեջանական կողմի գործողությունները, ըստ երևույթին, թելադրված են Հադրութը գրավելու մասին Ադրբեջանի նախագահի նախօրեին կատարած հայտարարությունը ապացուցելու նպատակով»,- ասվում է հաղորդագրությունում:
