31.03.2026 | 23:28
Իրանը հերքում է Թուրքիայի ուղղությամբ հրթիռային հարձակումը և կրկին համատեղ հետաքննություն առաջարկում
Բեյրութի բնակելի թաղամասում հրդեհի հետևանքով 4 մարդ է մահացել
Քաղաքականություն
10.10.2020 | 03:15
Լիբանանի մայրաքաղաք Բեյրութի արևմտյան Թարիք էլ Ժըդայդա թաղամասում մազութի պահեստի պայթյունի հետևանքով 4 մարդ է զոհվել։ Այս մասին լրագրողներին հայտնել է Լիբանանի Կարմիր Խաչի ընկերակցության ղեկավար Ջորջն Կետանեն, գրում է ՏԱՍՍ-ը։
«Տասնյակ մարդիկ տուժել են, այդ թվում՝ երեխաներ։ Բոլորը հոսպիտալացվել են»,- ասել է նա։
Կետանեի խոսքով՝ տուժածների մեծ մասը թունավորվել է ածխաթթու գազով, այդ թվում՝ մի քանի հրշեջ։
Ավելի վաղ ՏԱՍՍ-ի աղբյուրը հայտնել է, որ բնակելի շենքերից մեկի նկուղային տարածքում գտնվող մազութի պահեստում պայթյունից հետո խոշոր հրդեհ է բռնկվել։ Այնտեղ բջջային սարքավորումներ վաճառող ընկերության տեխնիկական սարքեր են պահվել։
«Հրշեջները մարել են կրակն ու փրկել մարդկանց, որոնք բարձրացել են շենքի տանիքը։ Ներկայում անհետ կորածների որոնողական աշխատանքներ են իրականացվում»,- ասել է ականատեսը։
