10.08.2026 | 18:29
Ուկրաինայի դատարանը փոխել է Զելենսկիի գրասենյակի նախկին ղեկավարի խափանման միջոցը․ նրան թույլատրվել է այցելել մի քանի մարզեր
Շուշիում վիրավորված ռուս լրագրողի վիճակը թույլ չի տալիս նրան ՌԴ տեղափոխել
10.10.2020 | 02:51
Արցախի Շուշի քաղաքում վիրավորված ռուսաստանցի լրագրող Յուրի Կոտենոկի վիճակը թույլ չի տալիս նրան Մոսկվա տեղափոխել։ Նրան օգնություն են ցուցաբերում Հայաստանի բժիշկները։ ՌԻԱ Նովոստիի փոխանցմամբ՝ այս մասին հայտնել է ՌԴ առողջապահության նախարարի օգնական Ալեքսեյ Կուզնեցովը։
Աղբյուրի փոխանցմամբ՝ Շուշիի կրկնակի հրթիռակոծության հետևանքով տուժած մյուս երկու ռուսաստանցիներին «Ռոսիա» հատուկ թռիչքային ջոկատի օդանավով կառավարական պատվիրակության հետ Մոսկվա են հասցրել։ Կոտենոկը, որը ծանր վիրավորում է ստացել, շարունակում է մնալ երևանյան հիվանդանոցում։
«Որքան մեզ հայտնի է՝ Կոտենոկի վիճակը ներկայում թույլ չի տալիս նրան փոխադրել։ Նրան բուժօգնություն են ցուցաբերում Հայաստանի մասնագետները։ Առայժմ վաղ է կանխատեսումներ անել»,- ասել է Կուզնոցովը։
Նշվում է, որ Յուրի Կոտենոկը, Լևոն Արզանովը և նրանց ուղեկցող Հրանտ Բադալյանը, երեքն էլ՝ ՌԴ քաղաքացիներ, վիրավորվել են Շուշիի Սուրբ Ամենափրկիչ Ղազանչեցոց եկեղեցու հրթիռակոծության հետևանքով։
