17.09.2026 | 18:10
ՄԻԵԴ-ի ՀՀ-ի դեմ որոշում է կայացրել // ԿԸՀ նախագահը հայտնել է հունիսի 7-ին կիբեռհարձակման մասին․ ԼՈՒՐԵՐ
Ուշագրավ թղթապանակներ ու դուրս բերված դրոշներ․ արդեն 5-րդ ժամն է՝ Մոսկվայում շարունակվում են ԼՂ շուրջ բանակցությունները
Քաղաքականություն
09.10.2020 | 23:12
Արդեն 5-րդ ժամն է՝ Ադրբեջանի ու Հայաստանի ԱԳՆ ղեկավարները, ՌԴ ԱԳ նախարարի մասնակցությամբ, Մոսկվայի ընդունելությունների տանը բանակցում են ԼՂ հակամարտության շուրջ։ Բանակցություններն անցնում են փակ դռների հետևում։
«16։45-ին նախ ՌԴ ԱԳՆ առանձնատանն է մոտեցել Ադրբեջանի արտգործնախարարի շքախումբը։ 5 րոպե անց մոտեցել է նաև ՀՀ ԱԳՆ ղեկավարը։ Բանակցային սենյակից կադրերում երևում է, որ բոլորը լարված են։ Սրանք կարևորագույն բանակցություններ են, որոնցից կախված են բարդագույն տարածաշրջանում՝ Լեռնային Ղարաբաղում խաղաղությունը»,- հայտնում է vesti.ru-ն։
Ուշագրավ է, որ ՀՀ արտգործնախարարի մոտ կա երկու կարմիր թղթապանակ, ՌԴ ԱԳՆ ղեկավարի դիմաց դրված է կարմիր ու կանաչ թղթապանակ, իսկ ադրբեջանի ԱԳՆ ղեկավարի դիմաց դրված են սպիտակ թղթեր։
Իսկ «Инфоком русская версия»-ն հայտնում է, որ «այս պահին բանակցությունները դեռ շարունակվում են, և թե ինչքան կշարունակվեն, ոչ ոք չգիտի։ Սակայն մամուլի համար սենյակում արդեն պատրաստ են Ադրբեջանի, Հայաստանի ու Ռուսաստանի դրոշները։ Նշանակում է՝ հույս կա, որ կողմերը միասին դուրս կգան լրագրողների մոտ ու կպատմեն, թե հաջողվե՞լ է, արդյոք, ինչ-որ պայմանավորվածություն ձեռք բերել»։
