29.04.2026 | 13:27
Ավանեսյանը՝ Բաքվում պահվող գերիների առողջական վիճակի և ադրբեջանական պատվիրակության այցի մասին․ ՏԵՍԱՆՅՈՒԹ
Հոկտեմբերի 12-ին ԵՄ անդամ երկրները կքննարկեն ԼՂ հակամարտության հարցը
Քաղաքականություն
09.10.2020 | 17:41
Եվրամիության անդամ 27 երկրների ԱԳ նախարարները հոկտեմբերի 12-ին կայանալիք նիստի ժամանակ կքննարկեն Լեռնային Ղարաբաղի հակամարտությունը՝ հաշվի առնելով Հայաստանի ու Ադրբեջանի ԱԳՆ ղեկավարների հանդիպման արդյունքները։ Այս մասին այսօր Բրյուսելում լրագրողներին հայտնել է ԵՄ բարձրաստիճան ներկայացուցիչը, գրում է ՏԱՍՍ-ը։
«Ադրբեջանի ու Հայաստանի ԱԳՆ ղեկավարները, կարծեմ, բանակցություններ կանցկացնեն Մոսկվայում։ Կտեսնենք հանդիպման արդյունքներն ու երկուշաբթի կքննարկենք, թե ինչպես կկարողանա ԵՄ-ն նպաստել հակամարտության կարգավորմանը»,- ասել է գործակալության զրուցակիցը։
Հավելենք, որ Մոսկվայում մեկնարկել է Ռուսաստանի, Հայաստանի ու Ադրբեջանի արտգործնախարարների հանդիպումը։ ՌԴ նախագահ Վլադիմիր Պուտինը ԼՂ հակամարտության կողմերին ռազմական գործողությունները դադարեցնելու կոչ է արել՝ զոհերի մարմինների և գերիների փոխանակման նպատակով։
