17.09.2026 | 23:38
Սամվել Կարապետյանի տնային կալանքը երկարաձգվել է
ԵՏՀ Կոլեգիայի նախագահը՝ ԵՏՄ տարածքում ուղևորափոխադրումը վերականգնելու մասին
Տնտեսություն
09.10.2020 | 15:15
Այսօրվա նիստին մենք քննարկել ենք օրակարգի բոլոր 15 հարցերը, այսինքն՝ որևէ հարց չի չեղարկվել։ Սա խոսում է Կոլեգիայի, Խորհրդի լուրջ կազմակերպչական աշխատանքի մասին։ Այս մասին Եվրասիական միջկառավարական խորհրդի նիստից հետո լրագրողներին հայտնեց ԵՏՀ Կոլեգիայի նախագահը։
Միխայիլ Մյասնիկովիչը խոսեց համավարակի շրջանում ԵՏՄ տարածքում ուղևորափոխադրումների վերականգնման մասին՝ շեշտելով, որ դա հիմնական օրակարգային հարցերից մեկն է եղել նիստի ընթացքում։
«Անխոս, այս թեման շատ կարևոր է։ Սա ոչ միայն սոցիալական հարց է, այլև գործարար շրջանակների ակտիվությանն է առնչվում։ Այդ ոլորտը լուրջ խնդիրների է բախվում։ Ռուսաստանի գլխավոր համաճարակաբանը համապարփակ զեկույց էր ներկայացրել երկրում համաճարակային իրավիճակի վերաբերյալ։ Ուրախ եմ ընդգծելու՝ փաստացի որևէ կասկած չկա այն տվյալների հավաստիության հարցում, որոնք ձևավորվում են ազգային մակարդակի վրա։ Եվ դա որոշակի վստահություն է ներշնչում առ այն, որ ուղևորափոխադրումների վերսկսման հարցերը մեր երկրներում զարգանալու են բավական ակտիվ»,- շեշտեց պաշտոնյան։
Մյասնիկովիչն անդրադարձավ նաև ԵՏՄ անդամ երկրների շրջանակում առևտրաշրջանառությանն առնչվող հարցերին։
Մանրամասները՝ տեսանյութում։
Մերի Մարտիրոսյան
