18.09.2026 | 19:29
Վարչապետը Ֆրանկֆուրտի արդյունաբերության և առևտրի պալատում հանդիպում է ունեցել տեղի գործարարների հետ
Հայաստանի ու Ադրբեջանի դրական արձագանքը՝ հնարավորություն ԼՂ-ում ռազմական գործողությունների դադարեցման համար․ Կոսաչով
Քաղաքականություն
09.10.2020 | 13:05
Ռուսաստանի կողմից բանակցություններ սկսելու առաջարկին Հայաստանի ու Ադրբեջանի դրական արձագանքը հնարավորություն է ընձեռում Լեռնային Ղարաբաղում ռազմական գործողությունների դադարեցման համար։ Այս մասին ֆեյսբուքյան իր էջում գրել է ՌԴ Դաշնային ժողովի միջազգային հարաբերությունների հանձնաժողովի նախագահ Կոնստանտին Կոսաչովը։
«Ռուսաստանի նախագահի հզոր նախաձեռնությունը։ Ռազմական գործողությունների դադարեցման ու բանակցությունների վերադարձի հնարավորություն»,- գրել է Կոսաչովը։
Նա հավելել է, որ Ռուսաստանն այս փուլում իր առաքելությունն ամբողջությամբ կատարել է։
«Այժմ հերթն Ադրբեջանի ու Հայաստանի ղեկավարների քաղաքական կամքինն է։ Չափազանց կարևոր են Մոսկվայում համապատասխան նախարարների այսօրվա խորհրդակցությունները։ Բարի երթ»,- եզրափակել է նա։
Հիշեցնենք, որ ՌԴ նախագահ Վլադիմիր Պուտինը ԼՂ հակամարտության կողմերին ռազմական գործողությունները դադարեցնելու կոչ է արել՝ զոհերի մարմինների և գերիների փոխանակման նպատակով։
