21.04.2026 | 13:40
Սարիկ Մինասյանի կողմից համացանցում հայհոյանքներ գրելու դեպքով վարույթ չի նախաձեռնվել
Ցանկացած գործողություն քննադատելը արգելո՞ւմ ենք․ դա կարող է վատ հետևանքներ ունենալ․ Գորգիսյան. ՏԵՍԱՆՅՈՒԹ
Քաղաքականություն
09.10.2020 | 12:12
ԱԺ արտահերթ նիստում քննարկվում է Վարչական իրավախախտումների վերաբերյալ ՀՀ օրենսգրքում լրացումներ կատարելու մասին նախագիծը, որով առաջարկվում է ռազմական դրության ընթացքում սահմանված միջոցառումների խախտման համար պատասխանատվության ենթարկել։
«Մենք, փաստորեն, ցանկացած գործողություն քննադատելն արգելում ենք։ Դա կարող է ունենալ վատ հետևանքներ»,- նման մտահոգություն արտահայտեց ԱԺ «Լուսավոր Հայաստան» խմբակցության պատգամավոր Գևորգ Գորգիսյանը՝ ընթերցելով Կառավարության որոշումը, որով «պետական և տեղական ինքնակառավարման մարմինների և պաշտոնատար անձանց գործողությունները քննադատող, հերքող, դրանց արդյունավետությունը կասկածի տակ դնող կամ որևէ այլ կերպ արժեզրկող հաղորդումների հրապարակումն արգելվում է»։
Պատգամավորի խոսքով՝ օրեր շարունակ ԱԻՆ-ը հայտարարում է, որ տագնապի դեպքում պետք է գնալ թաքստոցներ, բայց քաղաքապետարանը որևէ բան չի անում թաքստոցների տեղը մարդկանց ցույց տալու համար։
«Հիմա եթե ես քննադատում եմ քաղաքապետի ինչ-որ բան չանելը, պիտի ենթարկվեմ պատասխանատվությա՞ն։ Կամ եթե ՏԻՄ մարմիններից մեկը հայտարարում է, որ, օրինակ, զորքը չունի զրահաբաճկոն, ես ասում եմ՝ չի կարելի այդպիսի բան հրապարակել, էլի ես պիտի ենթարկվեմ պատասխանատվության։ Եթե ես քննադատեմ, պիտի ենթարկվեմ պատասխանատվությա՞ն… Այսօր բերել եք նախագիծ ու ասում եք՝ պետք է ընդհանրապես արգելել քննադատությունը»,- նշեց պատգամավորը։
Մանրամասները՝ տեսանյութում:
