13.10.2026 | 22:55
Նոր Արեշի տներից մեկում հրդեհ է բռնկվել
«Թող աշխարհն իմանա, որ Ադրբեջանը և Թուրքիան չեն կարող ընկճել հայերի կամքն ու հավատքը»․ Արամ Ա
Քաղաքականություն
09.10.2020 | 12:07
Մեծի Տանն Կիլիկիո Արամ Ա կաթողիկոսը տեսաուղերձ է հղել հայոց բանակի զինվորներին ու ողջ աշխարհին՝ նշելով, որ Ադրբեջանը և Թուրքիան իրենց նյութեղեն զենքով չեն կարող ընկճել մեր ժողովրդի կամքն ու հավատքը:
Արամ Ա-ն ընդգծել է, որ հայ ժողովրդի հավատքն ու հայրենասիրությունն ավելի զորեղ են, քան ցանկացած նյութական զենք:
«Թող աշխարհն իմանա, որ Ադրբեջանը և Թուրքիան իրենց նյութեղեն զենքով չեն կարող ընկճել մեր ժողովրդի մնայուն կյանքը ու հավատքը: Եթե իրենց նյութեղեն զենքը իրենց հզորության աղբյուրն է ու ապավենը, հայոց բանակի և մեր ժողովրդի հավատքի զենքը, վճռականության զենքը, հայրենասիրության զենքն ավելի զորեղ է, քան աշխարհի ամեն տեսակ զենքերը»,- ասել է Արամ Ա-ն:
Կիլիկիո կաթողիկոսը, դիմելով հայոց բանակին, նշել է. «Սիրելի՛ հայոց բանակ, քեզանով մենք բոլորս պետք է հաղթենք և միշտ պիտի հաղթենք»:
Մանրամասները՝ տեսանյութում։
