13.10.2026 | 22:55
Նոր Արեշի տներից մեկում հրդեհ է բռնկվել
ԱՄՆ կմասնակցի Լեռնային Ղարաբաղի հակամարտության կարգավորման շուրջ բանակցություններին
Քաղաքականություն
09.10.2020 | 12:06
Միացյալ Նահանգները մտադիր է մասնակցել Լեռնային Ղարաբաղի հակամարտության կարգավորման շուրջ բանակցություններին՝ ԵԱՀԿ Մինսկի խմբի ձևաչափով։ Այս մասին գրում է ՏԱՍՍ-ը՝ վկայակոչելով ԱՄՆ Պետդեպարտամենտի ներկայացուցչին։
«ԱՄՆ-ը, որպես համանախագահ, կմասնակցի հանդիպումներին, որոնք կազմակերպվելու են ԵԱՀԿ Մինսկի խմբի հովանու ներքո»,- ասել է ԱՄՆ արտաքին գերատեսչության աշխատակիցը՝ մեկնաբանելով Ֆրանսիայի արտգործնախարար Ժան-Իվ Լը Դրիանի հայտարարությունը։
Ֆրանսիայի ԱԳՆ ղեկավարը հայտնել էր ԼՂ հակամարտության շուրջ հոկտեմբերի 8-ին Ժնևում և հոկտեմբերի 12-ին Մոսկվայում բանակցություններ անցկացնելու մասին։
«ԱՄՆ դիրքորոշումը հստակ է և չի փոխվել, երկու կողմերն էլ պետք է անհապաղ դադարեցնեն ռազմական գործողություններն ու սկսեն աշխատել Մինսկի խմբի համանախագահների հետ, որպեսզի հնարավորինս շուտ վերադարձ լինի բովանդակային բանակցություններին։ ԱՄՆ-ը, որպես ԵԱՀԿ Մինսկի խմբի համանախագահ, պահպանում է երկու կողմին օգնության ցուցաբերումը՝ հակամարտության խաղաղ ու կայուն լուծմանը հասնելու համար»,- հայտարարել է դիվանագետը։
Տաթև Ֆռանգյան
