05.11.2026 | 09:45
Արտարժույթների փոխարժեքները՝ նոյեմբերի 5-ի դրությամբ
ՀԱՊԿ-ում նշել են՝ որ դեպքում կմիջամտեն ԼՂ հակամարտությանը
Քաղաքականություն
08.10.2020 | 17:38
ՀԱՊԿ-ն Հայաստանին ռազմական օգնություն կցուցաբերի Լեռնային Ղարաբաղի հակամարտությունում, եթե նրա տարածքային ամբողջականությանն իրական սպառնալիք լինի կամ ուղիղ ռազմական հարձակում։ «Ինտերֆաքս»-ի հաղորդմամբ՝ այս մասին հայտարարել է ՀԱՊԿ գլխավոր քարտուղար Ստանիսլավ Զասը։
«Երկու սահմանային շեմ է դիտարկվում։ Առաջինը՝ երբ ՀԱՊԿ ցանկացած անդամ երկրի համար անվտանգության, կայունության, ինքնիշխանության, տարածքային ամբողջականության իրական սպառնալիք է ստեղծվում։ Այդ դեպքում այդ պետությունն իրավունք ունի դիմել ՀԱՊԿ-ին։ Երկրորդն ագրեսիայի դեպքն է, այսինքն՝ ռազմական հարձակումը։ Դա դիտարկվում է, որպես մեր բոլոր անդամ երկրների դեմ ագրեսիա, այդ դեպքում երկրի հայցի հիման վրա ագրեսիայի օբյեկտին անհապաղ ցուցաբերվում է ցանկացած օգնություն, այդ թվում՝ ռազմական։ Նման դեպքերում գործի է դրվում ՀԱՊԿ արձագանքման ռեժիմը»,- պարզաբանել է նա։
Զասն ընդգծել է, որ նման անհրաժեշտության դեպքում ՀԱՊԿ կանոնակարգով օգնության տրամադրման համարժեք միջոցներ են նախատեսվում։
«ՀԱՊԿ անդամ ցանկացած պետություն իրավունք ունի օգնության հույս ունենալ»,- ասել է կազմակերպության գլխավոր քարտուղարը։
