28.08.2026 | 22:57
Վրաստանի նախագահը ներում է շնորհել 9 ակտիվիստի․ նրանցից մեկին ՌԴ արտաքսում է սպառնում
ՀՀ ԱԳ նախարարի՝ Մոսկվա այցի ընթացքում Վլադիմիր Պուտինի հետ հանդիպում դեռևս չի նախատեսվում․ Պեսկով
Քաղաքականություն
08.10.2020 | 14:05
ՌԴ նախագահ Վլադիմիր Պուտինը կշարունակի պարբերական շփումը ՀՀ վարչապետ Նիկոլ Փաշինյանի հետ, իսկ Հայաստանի ԱԳՆ ղեկավարի՝ Ռուսաստան այցի շրջանակում Պուտինի հետ հանդիպում դեռևս չի նախատեսվում։ Այս մասին տեղեկացրել է Կրեմլի խոսնակ Դմիտրի Պեսկովը, գրում է ՌԻԱ Նովոստին։
«Այս պահին դեռևս չկա։ Գիտեք, որ Մնացականյանը խիտ գրաֆիկ ունի իր ռուս գործընկեր Լավրովի հետ։ Գիտեք, որ Պուտինը կանոնավոր հեռախոսազրույցներ է ունենում Փաշինյանի հետ։ Այդ երկխոսությունը կշարունակվի։ Այս պատճառով էլ ժամանակացույցում այս պահին չկա հանդիպում»,- ասել է Պեսկովը՝ պատասխանելով Պուտին-Մնացականյան հանդիպման հնարավորության մասին հարցին։
Ավելի վաղ Ռուսաստանի ԱԳՆ ղեկավարի պաշտոնական ներկայացուցիչ Մարիա Զախարովան հայտնել էր, որ ՌԴ արտգործնախարար Սերգեյ Լավրովը, ինչպես ակնկալվում է, բանակցություններ կվարի Զոհրաբ Մնացականյանի հետ հոկտեմբերի 12-ին։
