Քաղաքականություն
08.10.2020 | 14:41
ԱՄՆ կոնգրեսական Դինա Թիթուսը ԼՂ հակամարտության գոտում Ադրբեջանի սանձազերծած պատերազմական գործողությունների ֆոնին Twitter-ում իր զորակցությունն է հայտնել հայ ժողովրդին ու հայտնել, որ դիմել է ԱՄՆ Պետքարտուղարությանը՝ պահանջելով դադարեցնել Արցախում թուրք-ադրբեջանական ագրեսիան։
«Հպարտ եմ, որ աջակցում եմ հայ համայնքին։ Վերջերս դիմել եմ Պետքարտուղարությանը՝ Արցախում թուրք-ադրբեջանական ագրեսիան զսպելու կոչով։ Ես նաև օգնել եմ բարեփոխումներ մտցնել Արցախում ականազերծման ֆինանսավորման ծրագրում և ճնշում եմ գործադրել Կոնգրեսի գրադարանի վրա, որպեսզի այն ճանաչի Հայոց ցեղասպանությունը»,- գրել է կոնգրեսականը։
