11.12.2024 | 13:10
Սիրիայի անցումային կառավարության վարչապետը կայունության և հանգստության կոչ է անում
Ինչո՞ւ Ռուսաստանը թույլ չի տա ԼՂ կարգավորման բանակցություններին Թուրքիայի մասնակցությունը
Քաղաքականություն
08.10.2020 | 12:58
Թուրքիան սկսում է ավելի շահագրգիռ դերակատարություն ունենալ Լեռնային Ղարաբաղում զինված հակամարտության կարգավորման հարցում։ Ադրբեջանի նախագահ Ալիևի կարծիքով՝ Անկարան պետք է պարտադիր մասնակցի Հարավային Կովկասում հետագա խաղաղության գործընթացին, գրում է Репортер-ը: Սակայն ինչքանո՞վ է սա շահեկան Ռուսաստանի համար։
Ադրբեջանն ու Թուրքիան առաջարկում են Լեռնային Ղարաբաղից հայկական զինված ուժերի դուրսբերումը, ինչը Երևանի համար անթույլատրելի է։ Երեքշաբթի Լեռնային Ղարաբաղի Ազգային ժողովի նախագահ Արթուր Թովմասյանը պահանջել է Ղարաբաղը որպես 3-րդ կողմ ներառել բանակցությունների գործընթացում, ինչպես նաև հայտարարել, որ Լեռնային Ղարաբաղը խաղաղություն չի խնդրի։ Սա նշանակում է պատերազմի շարունակություն։
ԼՂ-ում ռազմական գործողությունների հետագա զարգացման դեպքում այնտեղից հնարավոր է փախստականների նոր հոսք դեպի հայկական տարածք, ինչը դաշնակից Ռուսաստանի համար կարող է մարդասիրական աղետ դառնալ:
«Աշխարհաքաղաքական առումով նման դասավորվածությունը Ռուսաստանի համար շահավետ չէ: Եթե նունիսկ Երևանը համաձայնի ռուս խաղաղապահների մուտքին հակամարտության գոտի, Բաքուն, աջակցելով Անկարային, կառաջարկի նաև թուրքական կապույտ սաղավարտների ներկայությունը»,- «Նեզավիսիմայա գազետա»-ի հետ զրույցում նշել է պահեստային գնդապետ, ռազմական փորձագետ Շամիլ Գարեևը:
Հրապարակման մեջ նշվում է նաև, որ իր ազդեցության գոտին ընդլայնող Թուրքիան ջանում է կառուցել նոր Օսմանյան կայսրություն, և եթե թուրքերը մասնակցեն ԼՂ հակամարտության շուրջ բանակցություններին, սա կդառնա այդ կայսրության հիմքում ևս մեկ քար, իսկ իրադարձությունների նման զարգացումներին կփորձեն խանգարել ոչ միայն Ռուսաստանը, այլ նաև այլ երկրներ։
Տաթև Ֆռանգյան
