19.01.2026 | 23:38
Ռուբիոն բարձր է գնահատել Ադրբեջանի կառավարության կողմից Հայաստան վառելիքի մատակարարումները
Ֆրանսիայի ԱԳ նախարարը հայտարարել է Ղարաբաղում Թուրքիայի ռազմական միջամտության մասին
Քաղաքականություն
07.10.2020 | 19:17
Թուրքիան մասնակցում է Լեռնային Ղարաբաղում ռազմական գործողություններին։ ՏԱՍՍ-ի փոխանցմամբ՝ այս մասին հայտարարել է Ֆրանսիայի ԱԳ նախարար Ժան-Իվ Լը Դրիանը ԱԺ արտաքին հարաբերությունների հանձնաժողովի այսօրվա նիստի ժամանակ։
«Լեռնային Ղարաբաղի կոնֆլիկտում նորությունն այն է, որ այնտեղ նկատվում է Թուրքիայի ռազմական ներգրավվածություն։ Այն սպառնում է հանգեցնել հակամարտության միջազգայնացմանը, որից մենք ամեն կերպ ձգտում ենք խուսափել»,- հայտարարել է Լը Դրիանը։
Նրա խոսքով՝ Ֆրանսիան մեկ անգամ չէ, որ հայտնել է իր դիրքորոշումը։
«Բոլոր կողմերը պիտի գիտակցեն, որ հարկավոր է հնարավորինս շուտ դադարեցնել ռազմական գործողությունները՝ առանց որևէ նախապայմանների և բանակցություններ սկսել։ Դա կբերի դրական արդյունքի, եթե նույնիսկ զգալի ժամանակ է պահանջվում։ Պետք է ապահովել կրակի դադարեցումն ու նստել բանակցային սեղանի շուրջ»,- ասել է Ֆրանսիայի արտգործնախարարը։
Նա նաև շեշտել է, որ իրավիճակը Լեռնային Ղարաբաղում շատ տագնապալի է, և Ֆրանսիան կենտրոնացնում է ուժերը՝ կարգավորման հասնելու համար, քանի որ Մինսկի խմբի համանախագահ է։
Լը Դրիանը հայտնել է, որ Ֆրանսիայի ԱԳՆ-ն ամեն օր սերտ շփումների մեջ է հակամարտության տարբեր կողմերի, այդ թվում՝ Ռուսաստանի ու ԱՄՆ-ի հետ։
Էմմա Չոբանյան
