12.01.2025 | 00:54
Կիևյան փողոցի տներից մեկում հրդեհ է բռնկվել. դեպքի վայր է մեկնել չորս մարտական հաշվարկ
Եթե Ադրբեջանը համաձայնի հրադադարի, հետ վերցնի դիակները՝ դա Ալիևի իշխանության համար ճակատագրական կլինի. ՏԵՍԱՆՅՈՒԹ
Քաղաքականություն
07.10.2020 | 18:56
Դատելով արձագանքներից՝ միջազգային ճնշումն Ադրբեջանի վրա ավելանում է։ Այդ մասին այսօր խորհրդարանում լրագրողներին ասաց ԱԺ «Իմ քայլը» խմբակցության պատգամավոր Տաթև Հայրապետյանը՝ հավելելով, որ չնայած սրան, Բաքուն հայտարարում է, որ շարունակելու է ռազմական գործողությունները։
«Պետք է հասկանալ, որ այն, ինչ ներկայացնում է ադրբեջանական քարոզչամեքենան արդեն 11 օր շարունակ, որը չի համապատասխանում իրականությանը, ստեղծել է անելանելի իրավիճակ Ալիևի համար»,-շեշտեց նա։
Հայրապետյանն ասում է՝ Ադրբեջանի խորհրդարանը երեկ քննարկում էր Մատաղիսի վերանվանման հարցը, մինչդեռ մենք տեսնում ենք՝ ինչ է տեղի ունենում ադրբեջանական ուժերի հետ Մատաղիսում. «Եթե այսօր իրենք լսեն կոչերը, համաձայնեն հրադադարին և հետ վերցնեն իրենց դիակները, դա կարող է հսկայական խուճապ առաջացնել Ադրբեջանում և ճակատագրական լինել Ալիևի իշխանության համար»:
Պատգամավորն ընդգծեց՝ պետք է հասկանալ, որ գործ ունենք բռնապետական երկրի հետ, որտեղ ցանկացած բողոքի արտահայտություն դաժան պատժի է արժանում, ուստի, ըստ Հայրապետյանի, որպեսզի Ադրբեջանում բողոքի մեծ ալիք բարձրանա, ժողովուրդը պետք է պատկերացնի ձախողումների այն ալիքը, որ իրենք կրում են այս օրերին:
«Ալիևը միտումնավոր չի գնում անգամ հումանիտար հրադադարի՝ շատ լավ հասկանալով, թե ինչ է սպասում իրեն դրանից հետո»,-շեշտեց պատգամավորը։
Մանրամասները՝ տեսանյութում:
Մերի Մարտիրոսյան
