18.11.2024 | 16:27
Աբխազիայի խորհրդարանը հայտարարել է ընդդիմության հետ բանակցություններում առաջընթացի մասին
Զոհրաբ Մնացականյանը, հնարավոր է, այցելի Մոսկվա՝ Լավրովի հետ հանդիպելու․ «Дождь»
Քաղաքականություն
07.10.2020 | 18:51
Հայաստանի ԱԳ նախարար Զոհրաբ Մնացականյանն առաջիկայում կայցելի Մոսկվա՝ հանդիպելու ՌԴ ԱԳ նախարար Սերգեյ Լավրովի հետ։ Այս մասին հաղորդում է «Дождь»-ը՝ վկայակոչելով իր աղբյուրին։
Լրատվամիջոցի դիվանագիտական աղբյուրը հայտնել է, որ հանդիպումը կարող է տեղի ունենալ հոկտեմբերի 12-ին։ Նրա խոսքով՝ Մնացականյանը այցով Մոսկվայում կգտնվի հոկտեմբերի 11-13-ը, սակայն պլանները կարող են փոխվել՝ պայմանավորված Լեռնային Ղարաբաղի շուրջ իրավիճակով։ ԼՂ հակամարտությունը լինելու է հանդիպման հիմնական առանցքը։ Տեղեկությունը հաստատել է նաև լրատվամիջոցի երևանյան աղբյուրը։
Բացի այդ՝ դիվանագիտական աշխատանքներ են տարվում՝ ղարաբաղյան խնդրի վերաբերյալ ԵԱՀԿ Մինսկի խմբի համանախագահների հանդիպում անցկացնելու ուղղությամբ: Լրատվամիջոցի զրուցակիցները նշել են, որ հանդիպումները, հավանաբար, տեղի կունենան հոկտեմբերի 8-9-ին, բանակցությունները կարող են տեղի ունենալ Ժնևում:
Ըստ նրանց՝ քննարկվել է նաև խմբի համանախագահող երկրների (Ռուսաստան, Ֆրանսիա, ԱՄՆ) ներկայացուցիչների հանդիպումը դիվանագիտական գերատեսչությունների ղեկավարների մակարդակով՝ Ադրբեջանի և Հայաստանի արտաքին գործերի նախարարների մասնակցությամբ:
«Дождь»-ի զրուցակիցները դժվարացել են գնահատել, թե որքանով է հավանական այսպիսի ձևաչափով հանդիպում կազմակերպել։
Ավելի ուշ, ՀՀ ԱԳՆ խոսնակ Աննա Նաղդալյանը գրառում է կատարել,․ որում հաստատել է Լավրովի ու Մնացականյանի առաջինա հանդիպման վերաբերյալ տեղեկությունը․
«Արդեն իսկ որոշակի ժամանակ է՝ նախապատրաստական աշխատանքներ են իրականացվում Մոսկվա ՀՀ ԱԳ նախարար Զոհրաբ Մնացականյանի պաշտոնական այցի կազմակերպման ուղղությամբ: Այցը տեղի է ունենալու հոկտեմբերի 12-ին»,- նշել է նա։
