28.08.2026 | 22:57
Վրաստանի նախագահը ներում է շնորհել 9 ակտիվիստի․ նրանցից մեկին ՌԴ արտաքսում է սպառնում
Մեր պարգևավճարները կփոխանցենք մեր զինվորներին ու Զինված ուժերին. Արամ Խաչատրյան
Քաղաքականություն
07.10.2020 | 18:53
Միայն այսօրվա մեր զինվորը կարող է զսպել Թուրքիային և Ադրբեջանին։ Այսօր խորհրդարանում այս տեսակետը հնչեցրեց ԱԺ «Իմ քայլը» խմբակցության պատգամավոր Արամ Խաչատրյանը՝ հավելելով, որ միջազգային կառույցների գործունեությունը ևս շատ կարևոր է. «Հույսներս պետք է դնենք մեր բանակի և դիվանագիտական կորպուսի վրա, համոզված եմ՝ երկու կողմերն էլ իրենց գործը փայլուն կատարում են»:
Այն, որ արդրբեջանական կողմից կռվում են նաև վարձկաններ, պատգամավորն ասում է՝ միայն Արցախի խնդիրը չէ. «Սա գոյատևման ճակատամարտ է և համոզաած եմ՝ մենք հաղթած ենք դուրս գալու»:
Պատգամավորն այս փուլում դրական է գնահատում գործընկեր երկրների և միջազգային հանրության արձագանքը: Խաչատրյանն ասաց՝ 14 տարի ծառայել է Հայոց բանակում և այսօր էլ պատրաստ է մեկնել ռազմաճակատ, ինչպես քաղաքական թիմով դա արել են 2016 թվականի Ապրիլյան պատերազմում: Ինչ վերաբերում է վարչապետի հնչեցրած մարտակոչին՝ ուղղված վերջին մեկ տարում զորացրված տղաներին, պատգամավորն ասաց՝ այս առումով քննադատություններ չի լսել, տեսել է միայն պատրաստակամություն: Ինչ վերաբերում է անձամբ պատգամավորների կողմից տրվող աջակցությանն այս իրավիճակում՝ Խաչատրյանն ասաց. «Մեր պարգևավճարները կփոխանցենք մեր զինվորներին ու Զինված ուժերին»։
Մանրամասները՝ տեսանյութում:
Մերի Մարտիրոսյան
