12.10.2026 | 19:32
Ոստիկանները ապօրինի ձեռնարկատիրական գործունեության դեպքեր են բացահայտել
Ամերիկահայերը պահանջում են ապատեղեկատվություն չտարածել․ բողոքի ակցիա Los Angeles Times պարբերականի խմբագրության դիմաց
Քաղաքականություն
07.10.2020 | 16:55
Հարյուրավոր հայ ցուցարարներ ԱՄՆ Լոս Անջելես քաղաքում փակել են Los Angeles Times պարբերականի խմբագրությանը հարող փողոցները: Բողոքի ակցիայի մասնակիցները վանկարկում են՝ «Ամո՛թ, L.A. Times»:
Ակցիայի մասնակիցները պարբերականին մեղադրում են հայ ժողովրդի հանդեպ կարեկցանքի բացակայության և ապատեղեկատվություն հրապարակելու համար:
Բողոքի ակցիայի պատճառը հանգստյան օրերին ամերիկահայերի անցկացրած ցույցերի մասին L.A. Times-ի հրապարակած հոդվածն է: Դրանում խոսվում է հայ ակտիվիստների մասին, սակայն հոդվածը ներառում է նաև Լոս Անջելեսում Ադրբեջանի գլխավոր հյուպատոս Նասիմ Աղաևի մեկնաբանությունը, որում նա Հայաստանին և նրա դաշնակիցներին մեղադրում է ռասիզմի և իսլամատյացության մեջ: Հենց այս մեկնաբանությունն էլ առաջացրել է հայ համայնքի ներկայացուցիչների դժգոհությունը:
Խմբագրություն է ուղարկվել Հայ Դատի հանձնախմբի բողոք-նամակը:
