Քաղաքականություն
07.10.2020 | 15:42
Ռուսաստանը, ՀԱՊԿ շրջանակում իրականացնելով իր պարտավորությունները, կարող է պաշտպանել Հայաստանին, սակայն այդ պարտավորությունները չեն տարածվում Լեռնային Ղարաբաղի վրա։ Այս մասին լրագրողների հետ զրույցում հայտարարել է ՌԴ նախագահի մամուլի քարտուղար Դմիտրի Պեսկովը, գրում է ՏԱՍՍ-ը։
«Անվտանգության ապահովման առումով պարտավորությունների կատարումը ենթադրում է, որ եթե ՀԱՊԿ անդամ երկիրը ենթարկվում է որևէ ագրեսիայի՝ արտաքինից հարձակման, այդ դեպքում պայմանագրի անդամ երկրները պարտավոր են պաշտպանել այդ պետությանը»,- նշել է Կրեմլի խոսնակը։
Պատասխանելով հարցին, թե ո՞ր դեպքում է Ռուսաստանը պատրաստ իր զինվորականներին ուղարկել Լեռնային Ղարաբաղի հակամարտության գոտի, Պեսկովն ընդգծել է, որ դա բխում է ՀԱՊԿ շրջանակում պարտավորություններից։
«Այս դեպքում խոսքը գնում է Հայաստանի մասին, նախագահը հստակ պարզաբանել և սահմանազատել է այդ երկու հարցերը, ՀԱՊԿ շրջանակում պարտավորությունները չեն տարածվում Ղարաբաղի վրա»,- պարզաբանել է Պեսկովը։
Նրա խոսքով՝ տեղեկություններ չկան, որ Հայաստանի տարածքում ռազմական գործողություններ են իրականացվում։
