02.08.2026 | 21:08
Շոգ եղանակին՝ առավել զգոնություն. ՍԱՏՄ-ի կոչը հանրային սննդի ոլորտի ներկայացուցիչներին և միջոցառումների կազմակերպիչներին
Հայ ազգը կրկին էթնիկ զտման վտանգի տակ է․ ժամանակն է ճանաչել Արցախի հայերի ինքնորոշման իրավունքը.The American Conservative
Քաղաքականություն
07.10.2020 | 14:36
Սեպտեմբերի 27-ին Ադրբեջանը Հարավային Կովկասում ագրեսիվ ռազմական գործողություններ է սկսել ընդդեմ Լեռնային Ղարաբաղում ապրող հայերի: Տարածաշրջանը հայտնի է նաև Արցախ անվամբ։ Իրականացնելով իրենց գրոհը՝ Ադրբեջանն ու Թուրքիան հերթական անգամ վտանգի տակ են դրել Հայաստանի ու Արցախի գոյությունը, գրում է The American Conservative։
Ընդդեմ հայերի ռազմական գործողություններն իրականացնում են ոչ միայն Ադրբեջանն ու Թուրքիան. Թուրքիան հակամարտության գոտի է ուղարկել շուրջ 1 000 սիրիացի ջիհադիստի, որոնք մարտնչում են հայերի դեմ։ Պարբերականը շեշտում է, որ այս մասին հայտնում են հենց սիրիացի վարձկանները։ Ֆրանսիան ու Ռուսաստանը ևս Անկարային մեղադրում են Արցախ սիրիացի ջիհադիստներ ուղարկելու համար։
Թուրքիան ու Ադրբեջանը, որոնց բնակչությունը միասին վերցված գերազանցում է 100 միլիոնը, կրկին հարվածներ են հասցնում երեք միլիոն բնակչություն ունեցող Հայաստանին։ Նրանք օգտագործում են ժամանակակից զենք ու զինամթերք իրենց վաղեմի նպատակին հասնելու համար՝ տարածաշրջանում հայերի էթնիկ զտման համար։
Պարբերականը նշում է, որ Արցախը միջազգայնորեն ճանաչված պետություն չէ և հենց այս պատճառով էլ, այն է՛լ ավելի խոցելի է Ադրբեջանի ու Թուրքիայի ռազմական ագրեսիայի դեմ։ Ժամանակն է, որպեսզի Արևմուտքը պաշտոնապես ճանաչի Արցախի հայերի ինքնորոշման իրավունքը, որպեսզի կանգնեցնի Թուրքիայի ու Ադրբեջանի ագրեսիան։
