12.10.2026 | 19:32
Ոստիկանները ապօրինի ձեռնարկատիրական գործունեության դեպքեր են բացահայտել
Ռուս խաղաղապահների ներկայությունը, գոնե առայժմ, իրատեսական չէ. Միքայել Զոլյան. ՏԵՍԱՆՅՈՒԹ
Քաղաքականություն
07.10.2020 | 13:34
Արցախյան հակամարտության հարցում բոլոր լուրջ սուբյեկտների շահերը համընկնում են Հայաստանի շահերի հետ, որովհետև ո՛չ Թուրքիայի մասնակցությունը, ո՛չ ահաբեկիչների ներկայությունը մեր տարածաշրջանում բոլորովին չեն համապատասխանում ՌԴ-ի, Իրանի, ԱՄՆ-ի ու Ֆրանսիայի շահերին: Կա իրավիճակի վերաբերյալ ընդհանուր գնահատական: Իսկ թե ինչպիսի գործողություններ կձեռնարկվեն, դա արդեն այդ երկրների պատասխանատվությունն է: Այս մասին լրագրողների հետ ճեպազրույցում ասաց ԱԺ իմքայլական պատգամավոր Միքայել Զոլյանը:
«Գոյություն ունի շատ լայն գործիքակազմ՝ և՛ ռազմական, և՛ դիվանագիտական, և՛ քաղաքական, դա կարող է լինել հայտարարություններից մինչև պատժամիջոցներ»,- նշեց Զոլյանը՝ հավելելով, որ պատերազմը կանգնեցվում է ոչ միայն դիվանագիտական միջոցներով, այլև, առաջին հերթին, ռազմական հաջողություններով:
Զոլյանը համոզմունք հայտնեց, որ պատերազմն ավարտվելու է Ալիևին և Էրդողանին ոչ ձեռնտու պայմաններով:
Ինչ վերաբերում է Արցախում խաղաղապահ ուժերի տեղակայման հավանականությանը, պատգամավորն ընդգծեց, որ խաղաղապահների մասին վաղուց է խոսվում՝ սկսած Ղարաբաղյան առաջին պատերազմից, բայց եթե մինչև հիմա նման բան տեղի չի ունեցել, նշանակում է՝ ռուս խաղաղպահների ներկայությունը, գոնե առայժմ, իրատեսական չէ:
Մանրամասները՝ տեսանյութում:
