28.08.2026 | 22:57
Վրաստանի նախագահը ներում է շնորհել 9 ակտիվիստի․ նրանցից մեկին ՌԴ արտաքսում է սպառնում
ԵՄ-ն կողմ է ԼՂ հակամարտության կարգավորման շուրջ առանց նախապայմանների բանակցություններին
Քաղաքականություն
07.10.2020 | 12:48
Եվրոպական միությունը կողմ է Լեռնային Ղարաբաղում հակամարտության կարգավորման շուրջ առանց նախապայմանների բանակցություններին։ Այս մասին Եվրախորհրդարանում հայտարարել է ԵՄ դիվանագիտական գերատեսչության ղեկավար Ժոզեպ Բորելը, գրում է ՌԻԱ Նովոստին։
«Խոսքը 1993-1994 թվականներից ի վեր ամենալայնածավալ բախումների մասին է։ Մենք այս ուղղությամբ չափազանց ակտիվ ենք եղել վերջին օրերին։ Ես հնարավորություն եմ ունեցել շփվել Հայաստանի ու Ադրբեջանի ԱԳՆ ղեկավարների հետ, կոչ եմ արել դադարեցնել ռազմական գործողություններն ու վերադառնալ բանակցությունների սեղանին։ Մեր դիրքորոշումը հստակ է, մենք կարծում ենք, որ մարտերը պետք է դադարեցվեն և կողմերը պետք է վերսկսեն բանակցությունները՝ առանց նախապայմանների, ԵԱՀԿ Մինսկի խմբի հովանու ներքո»,- ասել է Բորելը։
