02.08.2026 | 21:08
Շոգ եղանակին՝ առավել զգոնություն. ՍԱՏՄ-ի կոչը հանրային սննդի ոլորտի ներկայացուցիչներին և միջոցառումների կազմակերպիչներին
Բաքվում Հունաստանի դեսպանն Աթենք է կանչվել՝ խորհրդակցությունների նպատակով
Քաղաքականություն
07.10.2020 | 12:45
Հունաստանի ԱԳՆ-ն խորհրդակցությունների համար Աթենք է հրավիրել Ադրբեջանում իր դեսպանին այն բանից հետո, երբ Բաքուն հայտարարել է, թե հունական պետությունը հանդուրժողականություն է դրսևորում «Լեռնային Ղարաբաղի հակամարտությանը մասնակցելու համար ահաբեկիչ-զինյալների հավաքագրման փորձերի» հանդեպ։ Այս մասին ասվում է Հունաստանի ԱԳՆ կայքում հրապարակված հաղորդագրությունում։
«Ադրբեջանի կառավարության՝ ամբողջությամբ անհիմն և սադրիչ պնդումներից հետո, իբր, Լեռնային Ղարաբաղում բախումների շրջանակում ահաբեկչական հարձակումների հանդեպ հունական պետության հանդուրժողականության, ահաբեկիչ-զինյալների հավաքագրման փորձերի և Ադրբեջանի դեմ Հունաստանի տարածքից կիբերհարձակումների մասին, արտաքին գործերի նախարարությունը կոշտ բողոք է արտահայտել Ադրբեջանի դեսպանին։ Որպես դեմարշի շարունակություն՝ Ադրբեջանում Հունաստանի դեսպան Նիկոլաոս Պիպերիգոսը, ԱԳ նախարար Նիկոս Դենդիասի որոշմամբ, խորհրդակցությունների համար Աթենք է կանչվել»,- մասնավորապես ասվում է հաղորդագրությունում։
