28.08.2026 | 22:57
Վրաստանի նախագահը ներում է շնորհել 9 ակտիվիստի․ նրանցից մեկին ՌԴ արտաքսում է սպառնում
Պուտինը մեկնաբանել է Արցախում տիրող իրավիճակը․ ՌԻԱ Նովոստի
Քաղաքականություն
07.10.2020 | 12:11
ՌԴ նախագահ Վլադիմիր Պուտինը խոսել է ԼՂ հակամարտության կարգավորման մասին։
«Մարդիկ զոհվում են, Մոսկվան հուսով է, որ հակամարտությունը մոտ ժամանակում կավարտվի»,- ՌԻԱ Նովոստիի փոխանցմամբ՝ ասել է ՌԴ նախագահը։
Աղբյուրի փոխանցմամբ՝ Պուտինը հավելել է, որ Լեռնային Ղարաբաղում տիրող իրավիճակի հարցով մշտական կապի մեջ է Հայաստանի վարչապետի հետ։ Նա նաև անհապաղ կրակի դադարեցման կոչ է արել։
Ռուսաստանի նախագահը նաև հայտարարել է, որ Ղարաբաղում իրադարձությունները ողբերգություն են, Ռուսաստանում շատ անհանգիստ են այս կապակցությամբ։
«Դա ողբերգություն է։ Մենք շատ ենք անհանգստանում, քանի որ և՛ Հայաստանը, և՛ Ադրբեջանը, և՛ Լեռնային Ղարաբաղը տարածքներ են, որտեղ ապրում են մեզ համար ոչ օտար մարդիկ»,- ասել է ՌԴ նախագահը «Ռոսիա 24» հեռուստաալիքին տված հարցազրույցում։
Նա ընդգծել է, որ Ռուսաստանում շուրջ երկու միլիոն հայ ու ադրբեջանցի է ապրում։
