01.04.2026 | 23:17
ԵՄ առաքելության գործունեությունը կարևոր է Հայաստանի քաղաքացիների համար. ՀՀ նախագահն ընդունել է Սատու Կոյվուին
ՄԱԿ-ում տեղեկություններ են ստացվել ԼՂ հակամարտության գոտում 4 երեխայի մահվան մասին
Հասարակություն
07.10.2020 | 11:33
ՄԱԿ-ի մանկական հիմնադրամը (ՅՈՒՆԻՍԵՖ) կոչ է անում անհապաղ դադարեցնել Լեռնային Ղարաբաղում ռազմական գործողությունները։ Հակամարտության գոտուց արդեն տեղեկություններ են ստացվել 4 երեխայի մահվան և 7 վիրավորի մասին։ Այս մասին ասվում է հիմնադրամի տարածած հայտարարության մեջ, գրում է ՏԱՍՍ-ը։
«Անցել է 10 օր Լեռնային Ղարաբաղի հակամարտության գոտում բռնության կտրուկ աճից։ Արդեն տեղեկություններ են ստացվել 4 զոհված երեխաների ու 7 վիրավորների մասին։ Եթե ռազմական գործողությունները չավարտվեն, այս թվերը ողբերգական կերպով կաճեն»,- նշել են ՅՈՒՆԻՍԵՖ-ից։
«Մենք կոչ ենք անում բոլոր կողմերին պաշտպանել քաղաքացիական բնակչությանն ու ենթակառուցվածքները հետագա վնասից՝ միջազգային ու հումանիտար իրավունքի կանոնների համաձայն։ Ռազմական գործողությունների անհապաղ դադարեցումը համապատասխանում է յուրաքանչյուր երեխայի լավագույն շահերին»,- ասվում է հայտարարության մեջ։
