06.04.2026 | 18:48
Էրիթրեայի հավաքականի 7 ֆուտբոլիստներ անհետացել են Հարավային Աֆրիկայում խաղից հետո
«Ռուսաստանը հավաստիացրել է, որ իր կողմից ստանձնած պարտավորությունները կկիրառվեն»․ Փաշինյանը՝ Հայաստանի դեմ հարձակման դեպքում ՌԴ-ից ռազմական օգնություն ստանալու մասին
Քաղաքականություն
07.10.2020 | 00:25
Վարչապետ Նիկոլ Փաշինյանը հարցազրույց է տվել BBC World News-ին, որից մի հատված հրապարակել է նրա խոսնակ Մանե Գևորգյանը։
Լրագրողի հարցին՝ եթե Հայաստանի վրա հարձակում լինի, արդյո՞ք Ռուսաստանը Հայաստանին ռազմական աջակցություն կցուցաբերի, Նիկոլ Փաշինյանը պատասխանել է․ «Որոշակի պայմանագրային հիմքերով՝ որոշակի պարամետրերով սահմանված, Հայաստանի տարածքին ուղղված անմիջական սպառնալիքի դեպքում Ռուսաստանը պետք է անվտանգության որոշակի պարտավորություններ ստանձնի»։
Հստակեցնող հարցին՝ արդյո՞ք ՌԴ նախագահ Վլադիմիր Պուտինի հետ հեռախոսազրույցի ընթացքում վերջինը վերահաստատել է այդ պարտավորությունների ստանձնումը, Հայաստանի վարչապետն արձագանքել է․ «Հարցին կարող եմ քաղաքական կոնտեքստում պատասխանել` այնպես, ինչպես Ռուսաստանն է հավաստիացրել, որ իր կողմից ստանձնած պարտավորությունները, որոնք սահմանված են պայմանագրերում, կկիրառվեն»։
«Այսպիսով, նա Ձեզ նման բան ասե՞լ է»,- շարունակել է BBC-ի լրագրողը, ինչին ի պատասխան՝ Նիկոլ Փաշինյանն ասել է․ «Այո՛»։
